02 авг 10:13
Янгиликлар
Футбол
"Брентфорд" клуб тарихидаги рекорд харидни эълон қилди
Англия Премьер Лигасининг "Брентфорд" клуби матбуот хизмати жамоа тарихидаги рекорд харид ҳақида хабар берди.
Англия клуби "Ланс" ва Мали терма жамоаси марказий ярим ҳимоячиси Мамаду Сангаренинг трансферини ҳамда футболчи билан яна бир йилга узайтириш имконияти бўлган беш йиллик шартнома имзоланганини эълон қилди.
"Sky Sports" маълумотларига кўра, "Брентфорд" Сангаре учун 39 миллион фунт тўлаган. Клубнинг аввалги трансфер рекорди бир йил олдин ўрнатилган эди — "Борнмут" вингери Данго Уаттара учун 37 миллион фунт тўланган эди.
Сангаре 2025 йилдан бери "Ланс" сафида тўп суриб келаётган эди. Якунланган мавсумда у клуб билан Франция Кубогини қўлга киритди ва Лига 1да иккинчи ўринни эгаллади. Унинг ҳисобида "Ланс" сафида барча мусобақаларда ўтказилган 39 та ўйинда 3 та гол ва 4 та голли узатма бор.
Ҳавола :
Фикрлар