"Брентфорд" бош мураббийи: "Ҳусанов қизил олиши керак эди"

Бош ҳакам ўша вазиятда Абдуқодир Ҳусанов Кевин Шадега қарши қўпол ҳаракати учун сариқ карточка бериш билан кифояланган эди.

"Мен ҳар доим ҳакамларни ҳимоя қилишга тайёрман; бу жуда қийин иш, лекин бу ҳолатда улар хато қилишди. Бироқ, мен воқеани кўриб чиққанимдан сўнг, Шадега дарвозабон билан яккама-якка чиқиб кетиши мумкин бўлган вазиятда рақиб унга қўполлик ишлатди. Ушбу вазиятда рақиб футболчиси қизил карточка олиши керак эди.

Агар ҳакам Ҳусановга қизил берганида, бу бизга катта устунлик тақдим этарди. Лекин биз буни ҳеч қачон аниқ билмаймиз", - дея фикр билдирди мураббий.