13 сен 17:23
Янгиликлар

Футбол

Ёзда деярли 400 млн евродан воз кечган "Тоттенхэм" навбатдаги антирекордни янгилади

"Тоттенхэм Хотспур" Англия Премьер-лигасининг 4-тури доирасида "Эвертон" билан дуранг (0:0) ўйнади.

Шу тариқа, "шпорлар" ўз тарихида илк бор Англия чемпионатининг дастлабки тўртта ўйинида бирорта ҳам гол ура олишмади, деб хабар беради Squawka Х ижтимоий тармоғида.

"Тоттенхэм" Премьер-лиганинг жорий мавсумидаги голсиз серияси "Брентфорд" (0:3) ва "Ньюкасл Юнайтед"дан (0:2) учралган мағлубиятларни, шунингдек, "Ноттингем Форест" (0:0) ва "ирискалар" билан қайд этилган дурангларни ўз ичига олади. Кейинги турда "Тоттенхэм Хотспур" 19 сентябрь куни "Астон Вилла"ни қабул қилади.

"Тоттенхэм Хотспур" Англия биринчилигининг олий дивизиони турнир жадвалида икки очко билан 17-ўринда бормоқда. Ўтган мавсум якунларига кўра, лилияранг-оқлар АПЛ турнир жадвалида 17-ўринни эгаллаган эди.