АҚШ коронавирус юқтирганлар сони бўйича биринчи ўринга чиқиб олди, "ЛАК" "кураш"га $ 25 млн ажратди

Los Angeles Times нашри берган хабарга кўра, ушбу маблағ коронавирусга қарши вакцина ишлаб чиқараётган ташкилотлар учун берилади. Бу суммадан 10 миллион доллари Вашингтон тиббиёт университети қошидаги махсус жамғармаган йўналтирилади. 

Бундан кўзланган мақсад ушбу тиббиёт муассасида коронавирус инфекциясига қарши ишлаб чиқарилаётган вакцина жараёнини тезлаштиришдан иборат. Маблағнинг қолган қисми Сиэтл, Жанубий-Шарқий Мичиган ва Лос-Анжелесга берилади.

Маълумот учун, 27 март ҳолатига кўра АҚШда коронавирус инфекцияси - COVID-19 билан касалланганлар сони 100 мингдан ошган. Энг кўп касаллик Нью-Йорк штатида тарқалган бўлиб, у ерда коронавирусни юқтириб олганлар сони 37 мингдан зиёдни ташкил этмоқда. Нью-Жерсида 6 800, Калифорнияда эса 3 800 нафар киши коронавирусга чалинган. Бу бўйича АҚШ Италия ва Хитойни ортда қолдириб, биринчи ўринга чиқиб олди.