07 мар 12:55
Янгиликлар

Теннис

Арина Соболенко Индиан-Уэллсда муваффақиятли старт олди

Дунёнинг биринчи ракеткаси Арина Соболенко АҚШнинг Индиан-Уэллс шаҳрида ўтказилаётган WTA 1000 тоифасига кирувчи нуфузли турнирдаги иштирокини бошлади.

Беларуслик теннис маликаси иккинчи даврада WTA рейтингида 136-поғонада бораётган япониялик Химено Сакацумени ортиқча қийинчиликсиз мағлубиятга учратди - 6/4, 6/2. Бу теннисчиларнинг ўзаро ўтказган илк учрашуви бўлди.

Етмиш икки дақиқа давом этган баҳсда Соболенко 3, Сакацуме 1 та эйс зарбасини амалга оширган. Энди Арина учинчи босқичда Жаклин Кристианга қарши кортга чиқади. Руминиялик бу теннисчи иккинчи даврада австралиялик Майя Жойнтдан 0/6, 6/2, 7/5 ҳисобида устун келган.