Арина Соболенко WTA Якуний турнири финалига чиқа олмади

Беларуслик теннис маликаси 1 соату 50 дақиқа давом этган ярим финал баҳсида WTA рейтингида учинчи ўринни эгаллаб турган америкалик Коко Гоффга 6/7(4), 3/6 ҳисобида имкониятни бой бериб қўйди. Теннисчиларнинг ўзаро тўққизинчи учрашувига келиб, 20 ёшли Гофф ҳисобда олдинга чиқиб олди - 5:4. 

Учрашув статистикаси:

Арина Соболенко - эйс йўқ, 3 та қўшхато, 4 та брейк

Коко Гофф - 3 та эйс, 2 та қўшхато, 6 та брейк

Беларуслик теннисчи 2022 йилдан бери илк бор кетма-кет иккита учрашувда мағлубиятга учради. Гофф - биринчи ва иккинчи ракеткаларни мағлуб этган энг ёш теннисчи сифатида 2002 йилдан бери сақланиб келаётган рекордни янгилади. Коко фаолиятида илк бор WTA Finals финалида ўйнайди. У бош соврин учун дунёнинг еттинчи ракеткаси хитойлик Чжэн Циньвэнга қарши кортга чиқади.