Арум нега ака-ука Кличколар билан шартнома имзолай олмаганини тушунтирди

Тоp Rank промоутерлик компанияси раҳбари Боб Арумнинг айтишича, илгари у ака-ука Владимир (64-5, 53 КО) ва Виталий Кличко (45-2, 41 КО) билан шартнома тузишни режалаштирган. Бобнинг сўзларига кўра, у дарҳол украиналик спортчиларни пайқади, чунки улар ақлий қобилиятлари билан ажралиб турарди.

«Аввалига, ака-укалар Украинага келишди, кейин менга уларни Лас-Вегасдаги Флойд Мейвезер кардига қўйишимни айтишди. Мен ҳар доим улар билан шартнома қилишни хоҳлардим, чунки иккаласи ҳам ақлли йигит эди. Ажабланарли қобилиятларга эга ажойиб шахслар. Аммо улар Берндт Бенте исмли немис маслаҳатчисига мурожаат қилишди. Бентe уларни Германияда олиб қолди ва америкаликлардан узоқлаштирди».

Арумнинг айтишича, агар украиналик боксчилар АҚШда жанг қилганида, бир неча баробар кўпроқ даромад олишлари мумкин эди.

«Айтишим мумкинки, ака-ука Кличко боксда Германияда яхши пул ишлай олишган, лекин бу улар АҚШда ишлаши мумкин бўлган пулларнинг озгина қисми эди», - деди Арум.