Асакада шахмат мусобақаси ўтказилди

Ўзбекистон ёшлар иттифоқи Асака тумани кенгаши ҳамда туман жисмоний тарбия ва спорт бўлими ҳамкорлигида ташкил этилган мусобақада мингдан ортиқ ақл гимнастикасининг бўлажак усталари ўзаро беллашдилар.

– Биз “Ёшлар шахмат тахтаси” мусобақаси орқали бўлажак халқаро гроссмейстерларни аниқлашни, уларни янада қўллаб-қувватлашни мақсад қилганмиз, – дейди Ёшлар иттифоқи Асака туман Кенгаши раиси Абдували Қурбонов. – Туман Кенгашимиз қошида шахмат тўгараги фаолият юритиб, бугунги кунда 100 дан ортиқ ўқувчи-ёшларга ақл гимнастикасидан сабоқ бермоқда.

Мусобақа сўнгида ғолибларга вилоят босқичига йўлланма, махсус диплом ва эсдалик совғалари тақдим этилди.