Ашхобод-2017. Мусобақанинг илк кунида иккита олтин медаль қўлга киритдик

22:00. Кун якунларига кўра Ўзбекистон терма жамоаси Осиё ўйинларининг илк кунида 2 та олтин, 3 та кумуш ва 8 та бронза медалини қўлга киритди. Умумжамоа ҳисобида иккинчи ўриндамиз. Турнир пешқадами 16 та олтин медаль қўлга киритган мезбонлар Туркманистон терма жамоаси бўлиб турибди.

21:05. Битта жанг ўтказиб, мағлубиятга учраган жуи житцучи Суҳроб Усмоновда бронза медали...

21:02. ОБИДАЛИ МАВЛОНОВДАН ҲАМ ОЛТИН МЕДАЛЬ!

21:00. ЎЗБЕКИСТОН ТЕРМА ЖАМОАСИ ИЛК ОЛТИН МЕДАЛНИ ҚЎЛГА КИРИТДИ. МЕЗБОНЛАР ВАКИЛИНИ МАҒЛУБ ЭТГАН КУРАШЧИМИЗ ИЛҲОМЖОН МАШРАПОВ ТЕРМА ЖАМОАМИЗГА ИЛК ОЛТИН МЕДАЛНИ ҚЎШИБ ҚЎЙДИ.

19:05. Гулмира Исматова ҳам финалда имкониятни бой бериб қўйди. Яна бир кумуш медаль...

18:40. Мамажонова Дилафруз ҳам бронза медали соҳиби! Бронзаларимиз сони 7 тага етди.

18:20. Ҳозирча Ўзбекистон делегацияси ҳисобидаги медаллар сони 8 тага етди. 2 та кумуш, 6 та бронза. Олтин керак!

18:15. Шаҳзода Эргашева ва Гулҳуморой Дадабоевалар финалда имкониятни бой бердилар ва кумуш медаль билан кифояланишди.

15:00. Тошкент вақти билан соат 18:00дан сўнг олтин медаллар учун жанглар бўлиб ўтади.

14:15. Ўзбекистон терма жамоаси ҳисобига олтинчи бронза медалини курашчи Мўйдинова Манзураой қўшиб қўйди. У ярим финалда мезбон спортчига имкониятни бой берди.

14:05. Шаҳзода Эргашева ҳам финалда жанг қиладиган бўлди.

13:38. Мавлонов Обидали ярим финалда туркманистонлик рақибини мағлубиятга учратиб, финалга йўл олди.

13:37. Ҳозирча терма жамоамиз спортчилари ҳисобида 5 та бронза медали бор. Биринчи олтинни ким олиб бераркин? Кутамиз!

13:35. Исломжон Қўлдошев ярим финалда рақибига ютқазиб қўйди ва бронза медали билан кифояланди.

13:30. Исматова Гулмира ва Илҳомжон Машраповлар ҳам финал йўлланмасини қўлга киритдилар.

13:25. Курашчимиз Дадабоева Гулхуморой мўғулистонлик рақибини мағлубиятга учратиб, финалга йўлланма олди.

13:23. Яна бир курашчи Неъматов Элдор ярим финалда ютқазиб қўйди ва бронза медали билан кифояланди.

13:15. Уч нафар спортчимиз бронза медалини қўлга киритди. Анъанавий кураш (туркман миллий кураши) да иштирок этган спортчиларимиз Файзулла Умматов, Шаҳобиддин Сангилов ва Абдурасул Ҳабибуллаевлар терма жамоамизга илк медалларни қўшиб қўйдилар.

13:00. Ҳозирча жуи-житцучимиз Суҳроб Усмонов ярим финалга етиб борди. У баҳсларда чорак финалдан қўшилганди. Спортчининг чорак финалдаги тайландлик рақиби мусобақалардан четлатилди. Бу эса Суҳробга жанг қилмасдан ярим финалга чиқиш имкониятини яратди. Энди у кечки пайт бўлиб ўтадиган медаллар учун жангларда иштирок этади. Бошқа бир жуи-житцучимиз Сирожиддин Эшонбаев эса бироздан сўнг чорак финалда мезбонлар вакили Фаҳриддин Абдуллаевга қарши жанг қилади.

Мусобақанинг илк кунида Ўзбекистонлик спортчилар жуи-житцу ҳамда туркман миллий кураши спорт турларидан иштирок этадилар.

Бугунги баҳсларда қуйидаги спортчиларимиз қатнашадилар:

Жуи-житцу:

-69кг: Сирожиддин Эшонбаев
-77кг: Суҳроб Усмонов


Анъанавий кураш:

-57кг: Ҳусан Носиров
-62кг: Абдурасул Ҳабибуллаев
-62кг: Файзулла Умматов
-68кг: Элбек Сотволдиев
-68кг: Илҳомжон Машрабов
-75кг: Ҳусниддин Рўзиев
-75кг: Шаҳобиддин Сангилов
-82кг: Камолиддин Маҳкамов
-82кг: Элдор Неъматов
-90кг: Обидали Мавлонов
-90кг: Абдуқаҳҳор Эгамов
-100кг: Нуриддин Маҳамадов
-100кг: Исломжон Қўлдошев
+100кг: Шерзод Раҳимов
+100кг: Одилжон Суюнов

-52кг: Шаҳзода Эргашева
-52кг: Манзураой Мўйдинова
-58кг: Гулҳуморой Дадабоева
-63кг: Дилафруз Мамажонова
-63кг: Хавасхон Жўрақўзиева
-70кг: Гулмира Исматова
+70кг: Сахобат Шералиева