Ашхобод-2017. Олимпия шаҳарчасидаги улкан от шакли Гиннес рекордлари китобидан жой олди

Олимпия шаҳарчасидаги мусобақа машъаласи ёниб турган иншоот дунёда от шаклига эга энг улкан архитектура намунаси деб тан олинди ва Гиннес рекордлари китобига киритилди. Маълумотларга кўра, ушбу шаклнинг баландлиги 40.05 метр, узунлиги 37.69 метр, кенглиги 40.24 метрга тенгдир.




Шунингдек, Олимпия шаҳарчасидаги сув спорти турлари маркази ҳам Гиннес рекордлари китобидан жой олди. Ушбу иншоотга дунёдаги энг катта усти ёпиқ сузиш хавзаси номи берилди. Умумий майдони 4976,65 кв. метрни ташкил этган ушбу мажмуа сузиш ва сувга сакрашга мўлжалланган 4 та бассейнни ўз ичига олади. Бир вақтнинг ўзида беш мингдан ортиқ томошабин бевосита баҳсларни кузатиб бориш имкониятига эга.