ATP Якуний турнир. Надаль учун татимаган ғалаба

Дунёнинг иккинчи ракеткаси Рафаэль Надаль гуруҳ босқичининг учинчи турига келибгина илк ва шу билан бирга турнирдаги охирги ғалабасини қўлга киритди. Испаниялик теннисчи рейтингда ўзидан икки поғона қуйида бораётган норвегиялик Каспер Руудни икки сетда ҳам бир хис ҳисобда мағлубиятга учратди - 7/5, 7/5. 

Лекин бу ғалаба Надаль учун ATP Якуний турнирининг ярим финалига чиқиш учун камлик қилди. Гуруҳ босқичидаги икки мағлубият Рафага қимматга тушди. Надаль аксинча икки ғалаба билан муддатидан аввал плей-офф йўлланмасини қўлга киритиб улгурган Руудга қарши учрашувда 16 та эйс зарбасини амалга оширган.