13 янв 12:33
Янгиликлар

Теннис

Australian Open 2026. Мария Тимофеева иштирокидаги баҳс ғолиби уч сетда аниқланди

Теглар : Australian Open Мария Тимофеева

"Катта Дубулға" туркумига кирувчи йилнинг тўртта мусобақасидан дастлабкиси - Australian Open 2026 турнири саралаш баҳсларининг иккинчи кунги учрашувлари давом этмоқда.

Ўз тарихида 114-маротаба ташкил этилаётган, умумий мукофот жамғармаси рекорд даража - 111,5 миллион АҚШ долларига етказилган Австралия Очиқ чемпионатининг аёллар ўртасидаги саралаш турнирида биргина вакиламиз Мария Тимофеева юртимиз шарафини ҳимоя қилди.

Қуръа натижасига кўра, Тимофеева саралашнинг биринчи босқичида япониялик 26 ёшли Маи Хонтамага қарши кортга чиқди. Икки соату 31 дақиқа давом этган баҳсда Тимофеева афсуски, Хонтамага 1/6, 4/6, 5/7 ҳисобида имкониятни бой бериб қўйди. Бу теннисчиларнинг ўзаро ўтказган иккинчи тўқнашуви бўлди. 2022 йилда ўтган илк учрашувда ҳам япониялик теннисчи зафар қучганди.

Таққослаш учун, Кунчиқар юрт вакиласи ҳозирда WTA рейтингида 242-поғонадан жой олган. Ўзбекистоннинг иккинчи ракеткаси бўлиб турган Тимофеева эса 138-ўринни банд этган. Мария саралашда 28-рақам остида таснифланган эди.