24 янв 07:43
Янгиликлар

Теннис

Australian Open. Дунёнинг биринчи ракеткаси 1/4 финалда

Бугун Мельбурн шаҳрида ўтказилаётган теннис бўйича "Катта Дубулға" туркумига кирувчи Австралия Очиқ чемпионатининг иккинчи ҳафта баҳслари бошланади.

Аёллар ўртасидаги мусобақада дунёнинг биринчи рақамли теннис маликаси Эшли Барти чорак финал йўлланмасини қўлга киритди. Австралиялик теннисчи тўртинчи давра учрашувида WTA рейтингида 60-поғонадан жой олган америкалик Аманда Анисимовадан устун келди - 6/4, 6/3.

Етмиш олти дақиқа давом этган баҳсда Эшли 6 та, Аманда эса 4 та эйс зарбасини ижро этди. Теннисчиларнинг ўзаро учрашувларидаги ҳисоб ўзгарди - 2:0. Энди Яшил қитъа вакиласи ярим финал чиптаси учун яна бир АҚШ теннисчиси Жессика Пегулага қарши кортга чиқади.