Australian Open. Полина Кудерметованинг 14-ракеткага қарши ўйини 3 сет давом этди

Мусобақада юртимиз шарафини ҳимоя қилаётган Полина Кудерметова иккинчи давра доирасида даниялик 23 ёшли Клара Таусонга қарши кортга чиқди. 

1 соат 53 дақиқа давом этган ўйинда афсуски Кудерметова 3:6, 6:3, 5:7 ҳисобларида имкониятни бой берди ва мусобақадаги иштирокини иккинчи даврада якунлади. 

Ўйин давомида Полина 4 та, рақиб эса 12 та эйс амалга оширди. Теннисчимиз 10 та қўшхато қилган бўлса, даниялик теннисчи 2 та қўшхатога йўл қўйди.

Маълумот учун, 22 яшар Полина айни дамда WTA рейтингида 150-ўринни банд этиб турибди. У Австралия очиқ чемпионатининг дастлабки даврасида Испания вакиласи Гиомар Маристанидан устун келганди. Дунёнинг 14-рақамли ракеткаси бўлмиш Клара Таусон эса биринчи босқичда венгриялик Далма Галфини мағлуб этганди.