12 сен 08:05
Янгиликлар
Теннис
Аёллар ўртасидаги US Open жуфтлик бош соврини Чехияга кетди
"Катта Дубулға" туркумига кирувчи АҚШ Очиқ чемпионатининг аёллар ўртасидаги жуфтлик баҳсларида чехиялик теннисчилар бош соврин соҳибасига айланишди.
Барбора Крейчикова ва Катержина Синяковадан иборат тандем ҳал қилувчи финал учрашувида америкаликлар Кэти Макнейли ҳамда Тэйлор Таунсенд жуфтлигини 3/6, 7/5, 6/1 ҳисобида таслим этиб, US Open бош совринини бошлари узра баланд кўтаришди.
Нью-Йорк кортларидаги икки ҳафталик меҳнат Крейчикова ва Синяковага 2000 рейтинг очкоси ҳамда 688,000 доллар мукофот пули келтирди. Бу жуфтлик жорий мавсумда 4 та "Катта Дубулға" турниридан учтасида чемпионлик шоҳсупасига кўтарилишди. Бунгача улар Australian Open ва "Уимблдон"да ҳам чемпион бўлишган эди.
Ҳавола :
Манба : gotennis
Фикрлар