03 янв 12:20
Янгиликлар

Теннис

45 ёшли Уильямсга Australian Open учун уайлд-кард берилди - бу рекорд!

Дунёнинг собиқ биринчи ракеткаси, айни пайтда WTA рейтингида 581-ўринни эгаллаб турган 45 ёшли Винус Уильямс Australian Open турнирининг асосий тўрида иштирок этади.

Йилнинг илк "Катта Дубулға" турнири ташкилотчилари америкалик фахрий теннисчига уайлд-кард, яъни асосий тўр баҳсларида тўғридан-тўғри иштирок этиш ҳуқуқини берувчи имтиёзли йўлланма тақдим этилди.

Бу билан 45 ёшу етти ойлигида кортга чиқадиган Винус мусобақа тарихидаги энг ёши катта асосий тўр иштирокчисига айланади. Айни пайтда бу рекорд япониялик Кимико Датега тегишли бўлиб, у 44 ёшу уч ойлигида Австралия Очиқ чемпионати - 2015 мусобақасининг асосий тўрида ўйнаган ва биринчи босқичдаёқ мусобақани тарк этганди.

Яккалик баҳсларида Винус Уильямс беш марта "Катта Дубулға" туркумига кирувчи Уимблдон ва икки марта US Open ғолиби бўлган. Австралия Очиқ чемпионатида америкалик икки марта финалда ўйнаган.