Манба: Топурия ёзгача жангларга қайтмаслиги мумкин

Бу ҳақда Marca нашри жангчининг ажрашув бўйича суд жараёнига таяниб хабар берди.

Нашрга кўра, Топуриянинг октагонга қайтиши унинг шахсий ҳаётидаги масалалар ҳал қилинишига бевосита боғлиқ. Бугун маълум бўлишича, у собиқ турмуш ўртоғига қарши биринчи судда ғалаба қозонган: суд ажрашув жараёни якунланмагунча ва учрашувлар жадвали белгиланмагунча, уларнинг қизини Испания ҳудудидан олиб чиқишни тақиқлади.

Тахмин қилинишича, Топурия қайтганидан кейинги илк чемпионлик ҳимоясини Жастин Гэтжи ва Пэдди Пимблетт ўртасидаги жанг ғолибига қарши ўтказади. Ушбу тўқнашув 24 январь куни Лас-Вегасда бўлиб ўтади. 

Жанг санаси ва рақиб бўйича якуний қарор UFC раҳбарияти режалари ҳамда чемпионнинг барча ҳуқуқий масалаларни қанчалик тез ҳал қилишига боғлиқ бўлади.