20 ноя 17:05
Янгиликлар
Илия Топурияга UFC'да вазн тоифасини ўзгартириш таклиф қилинди
"Техника борасида у барчадан бир бош устун эди. Унинг қанчалик захира билан ҳаракат қилишига, зарбаларидаги кучга, ўзига бўлган ишонч ва интизомига эътибор беринг. Бу йигит жангга тайёргарлик кўриш жараёнида ҳар бир жиҳатни мукаммаллаштиради.
Шунчаки, у ҳали бундай шиддатли жангга дуч келмаган эди. Аввало, Гэтжи ундан гавдали, бу фарқ сезиларли. Жастин ҳатто енгил вазн учун ҳам йирик жангчи, Илия эса ундай эмас. Бу ҳам ўз таъсирини ўтказди.
Эҳтимол, у яна ярим енгил вазнда жанг қилиши керакдир. У ерда Илия ҳақиқий йиртқичга айланади. Енгил вазнда эса айрим жангчиларга бир қаранг. Вазн фарқи атиги 10 фунтдек (4,5 кг) кўринади, аммо бу йигитлар ҳаётида ҳеч қачон 145 фунт (65,8 кг) вазнга туша олмайди. Улар 155 фунтга (70,3 кг) ҳам зўрға вазн ташлашади, чунки жуда гавдали. Ярим енгил вазн Илия учун анча мос келади. Унинг қандай ҳолатда қайтиши ва бу мағлубиятдан кейин ўзини қандай тиклашини кўриш мен учун қизиқ", — деди Роган The Joe Rogan Experience подкастида.
Фикрлар