04 янв 14:35
Янгиликлар
Шахмат
“North American Open 2025”: Шахматчимиз кучли рақобатда чемпион бўлди
АҚШнинг Лас-Вегас шаҳрида мукофот жамғармаси 130 000 долларни ташкил этувчи “North American Open 2025” халқаро шахмат турнири биз учун муваффақиятли якунланди.
Нуфузли мусобақа якунларига кўра, ўзбекистонлик шахматчилар кучли халқаро рақобат шароитида юқори натижалар қайд этиб, мамлакатимиз шахмат мактабининг салоҳиятини яна бир бор исботлашди.
Хусусан, гроссмейстеримиз Абдималик Абдусалимов 125 нафар шахматчи ўртасида 6,5 очко жамғариб, мусобақа ғолибига айланди. Иккинчи ўрин эронлик гроссмейстер Гаем Магами Эҳсонга, бронза медали эса ҳиндистонлик гроссмейстер Кустав Чаттержига насиб этди.
Шунингдек, ҳамюртларимиздан халқаро тоифадаги спорт устаси Муҳаммадали Абдураҳмонов чемпион билан бир хил - 6,5 очко билан мусобақани қўшимча кўрсаткичларга кўра 5-поғонада якунлаган бўлса, халқаро тоифадаги спорт устаси Саидакбар Сайдалиев 5,5 очко билан 27-ўринни эгаллади.
Ҳавола :
Фикрлар