Баскетбол. Бухорода беллашувлар бошланди

Ўзбекистон Баркамол авлод жисмоний тарбия ва спорт жамияти Марказий кенгаши ҳамда қатор мутасадди ташкилотлар ҳамкорлигида Академик лицей ва касб-ҳунар коллежларида таҳсил олаётган ўқувчилар ўртасида “Баркамол авлод спорт жамоалари” спорт мусобақалари дастуридан ўрин олган баскетбол спорт тури бўйича республика финал босқичи беллашувлари бугун Бухоро вилоятида старт олди. 

Мазкур финал босқичи Бухоро олимпия захиралари коллежи ва Бухоро муҳандислик-техналогия институти спорт залларида бўлиб ўтмоқда. Унда Қорақалпоғистон Республикаси, Тошкент шаҳри ҳамда барча вилоятлардан ташриф буюрган жамоалар тўрт гуруҳга бўлинган ҳолда мусобақаларга киришишган. 

Бухоро олимпия захиралари коллежида ўтаётган биринчи давра баҳсларида Қашқадарё, Тошкент, Фарғона вилоятлари, пойтахт жамоалари рақибларига нисбатан устунликни намоён этаётган бўлишса, Бухоро муҳандислик-техналогия институти спорт мажмуасида ўтаётган беллашувларда асосан  Бухоро, Сирдарё, Наманган, Андижон вилояти жамоалари еткакчилик қилишмоқда. 

Ғолиб САНОЕВ, “Баркамол авлод” жисмоний тарбия ва спорт жамияти Бухоро вилояти минтақавий бўлим раис ўринбосари

– Барча жамоалар кучли учлик учун бор маҳоратларини ишга солишган. Шиддат билан ўтаётган ушбу республика финал босқичда кўплаб иқтидорли баскетболчи-ўқувчиларни кўряпмиз. Айниқса, Қашқадарё, Наманган, Тошкент вилоятлари, Тошкент шаҳри жамоаларининг шиддаткарона ўйинларидан билиш мумкинки, мазкур финал босқичида кучлилаларни аниқлаш осон кечмайди.

Эслатиб ўтамиз, ғолиб ва совриндор жамоалар номи 15 март куни маълум бўлади. 

Илҳом Раҳмонов тайёрлади