“Бавария” голлар шоуси билан бошлади, Анчелоттининг омадли дебюти

Амалдаги мамлакат чемпиони “Бавария” ўз майдонида Бременнинг “Вердер” клубини қабул қилиб, рақиб жамоа дарвозасига жавобсиз 6та тўп киритди. Роберт Левандовски учрашувда хет-трикка эришди.

Ўйин бошланиши олдидан Германияда ўтган йилнинг энг яхши футболчиси деб топилган Жером Боатенг ўзига аталган совринни қабул қилиб олди. Лекин Боатенгнинг ўзи  жароҳати боис ушбу ўйинда иштирок эта олмади.

“Бавария”нинг янги бош мураббийи Карло Анчелотти Бундеслигадаги дебют баҳсини ҳақиқий байрамга айлантириб юборди ва мюнхенлик мухлисларга очилиш ўйинида чиройли ғалабани тақдим этди.

Бундеслига, 1-тур.

БАВАРИЯ – ВЕРДЕР 6:0 (2:0, 4:0)

“Альянц-Арена”

Голлар: 1:0 – 9 Хаби Алонсо, 2:0 – 13 Левандовски, 3:0 – 46 Левандовски, 4:0 – 66 Лам, 5:0 – 73 Рибери, 6:0 – 77, пенальти Левандовски.

“Бавария” – Нойер, Лам (Рафинья, 74), Мартинес, Хуммельс, Алаба (Бернат, 78), Алькантара, Хаби Алонсо (Киммих, 64), Видаль, Мюллер, Левандовски, Рибери.

“Вердер” – Видвальд, Гебре Селасси, Сане, Дианье, Кальдирола, Гриллич (Эггештайн, 74), Ятабаре, Фритц, Бауэр, Бартельс (Ти, 88), Юханнссон (Штернберг, 64).

Огоҳлантириш: Штернберг (87).