Байрамга бағишланган тадбир + ФОТО

Чирчиқ шаҳар халқ таълими бўлимига қарашли 24-сонли умумий ўрта таълим мактабида ташкил этилган мазкур спорт тадбирини ўтказишдан мақсад - Президентимиз томонидан илгари сурилган бешта муҳим ташббуснинг иккинчи ташаббуси ижросини таъминлаш ва шу орқали ўғил-қизларни спортга ошно этиш, спортнинг оммавийлигини янада кенг тарғиб қилишдан иборат.

“Ким чаққон”, “Тўсиқлар аро югуриш”, “Арқон тортиш”, “Илон изи”, “Тўп маррага” каби шартлар бўйича ўзаро куч синашишган тўртинчи синф ўқувчилари бундай қизиқарли ва қувноқ шартларга бой бўлган баҳсларда иштирок этганидан мамнун бўлишди.

Чирчиқ давлат педагогика институти факультетлараро жисмоний тарбия кафедраси ўқитувчи ва талабалари ҳамда мактаб жамоаси эса жажжи жамоаларни ҳар бир шарт бўйича бажарган машқларни қўллаб-қувватлаб туришди.

Спорт тадбири якунига етгач, мусобақада иштирок этган ўқувчиларни тақдирлаш маросими бўлиб ўтди. Институтнинг “Педагог” спорт клуби раиси ўринбосари Равшан Маматқулов, факультетлараро жисмоний тарбия кафедраси мудири Акром Абдулахатовлар ғолибликни қўлга киритган ўқувчиларга институт томонидан таъсис этилган диплом ва эсдалик совғаларини топширди. 

Абдилҳаким ЖУМАЕВ, Чирчиқ давлат педагогика инсититути факультетлараро жисмоний тарбия кафедраси ўқитувчиси