Чирчиқ спорт мактаби боксчилари Ўзбекстон кубогида иккита медаль қўлга киритишди

5 август куни старт олган мамлакат кубогида юртимизнинг турли ҳудудларидан келган иқтидорли боксчилар ғолиблик учун рингга кўтарилмоқда. Қувонарлиси, мусобақада муносиб иштирок этган Чирчиқ шаҳар спорт мактаби тарбияланувчилари ҳам совриндорлар қаторидан жой олди.

Жумладан, 66 кг вазн тоифасида баҳс олиб борган Улжан Турганбекова (мураббийи — Мирсаид Абдумажитов) ҳамда 50 кг вазн тоифасида иштирок этган Жанелия Алибекова (мураббийи — Худойберган Агабеков) мусобақани учинчи ўринда якунлаб, бронза медалларини қўлга киритишди.

Ушбу натижа Чирчиқ шаҳар спорт мактабида бокс спортини ривожлантириш, ёш спортчиларни халқаро ва республика миқёсидаги мусобақаларга тайёрлаш борасида олиб борилаётган ишлар самарасининг яна бир ёрқин ифодасидир.

Маълумот ўрнида, Ўзбекистон Кубоги мусобақалари бугун, 12 август куни ўз якунига етади.

Илҳом РАҲМОНОВ тайёрлади