Bellator чемпиони Патрисио "Питбуль" иштирокидаги жанг муддатидан аввал якунланди ФОТОГАЛЕРЕЯ

Champions Series доирасидаги турнирнинг ко-мэйнивент жанги ярименгил вазн тоифасида ўтказилиб, унда амалдаги Bellator чемпиони, бразилиялик Патрисио "Питбуль" Фрейре канадалик даъвогар Жереми Кеннедига қарши октагонга кўтарилди. Жангнинг учинчи раундида Фрейре рақибини техник нокаутга учратиб, ўз камарини муваффақиятли ҳимоя қилди. 

Муҳимлиги жиҳатидан оқшомнинг учинчи жангида ўрта вазн тоифаси камари учун расмий даъвогар аниқланди. Канадалик Аарон Жеффрини ҳакамларнинг якдил қарори билан мағлубиятга учратган британиялик Фабиан Эдвардс кейинги жангини чемпионлик камари учун ўтказиш ҳуқуқини қўлга киритди.

"Мен ортингдан боряпман!", - дея жангдан кейин дивизионнинг амалдаги чемпиони Жонни Эблинга мурожаат қилган Эдвардс. 

Эътиборлиси, Эблин ўтган йили Фабиан Эдвардсни учинчи раундда нокаутга учратишга муваффақ бўлганди. Британиялик жангчи орадан бир йил ўтиб, яна бир бор Жоннининг камари учун жанг қилиш имкониятига эга бўлди.