“Беш ташаббус олимпиадаси”: Жиззахда шашка бўйича ғолиблар аниқланди

Хабарингиз бор, айни кунларда республикамиз бўйлаб Президентимиз томонидан илгари сурилган 5 муҳим ташаббус доирасида ёшларни спортга бўлган қизиқишини ошириш, улар ўртасида соғлом турмуш тарзини шакллантириш мақсадида бир қатор спорт турлари бўйича оммавий мусобақалар ўтказиб келинмоқда.

Жиззах вилояти Ёшлар марказида ўтказилган мусобақада 3 ёш тоифаси бўйича (16-21, 22-26, 27-30) жами 198 нафар иштирокчи Республика босқичи ғолиблиги учун курашди. Мусобақа давомида спортчилар топқирликлари, зеҳни, ақл-идрокларини яна бир бор синовдан ўтказишди. Баҳслар қизғин ва муросасиз ўтди.

Мусобақа сўнгида ғолибликни қўлга киритган иштирокчилар ташкилотчилар томонидан диплом ва эсталик совғалари билан тақдирландилар.