16 июл 19:20
Янгиликлар

Футбол

“Бейжинг”да ғалаба, Сергеев 74 дақиқа ўйнади, Кримец майдонга тушмади

Ўзбекистон терма жамоаси футболчилари Егор Кримец ҳамда Игорь Сергеев тўп тепувчи “Бейжинг Гоан” клуби Хитой чемпионатининг 17-тури доирасида “Хебеи Жонгчжин”га қарши майдонга тушди.

Ўйиндаги ягона гол мезбон жамоа футболчиси ҳисобига ёзилди. Хайфенг Динг кутилмаганда ўз дарвозасини нишонга олди. Яна бир ҳамюртимиз Егор Кримец бу баҳсда иштирок этгани йўқ. Игорь Сергеев эса ўйинни асосий таркибда бошлади ва 74-дақиқада алмаштирилди.

Эътиборлиси, “Хебеи Жонгчжин” клуби турнир жадвалида 4-ўринни эгаллаб турибди. Сергеев ва Кримецнинг жамоаси эса 24 очко билан 8-ўринга кўтарилиб олди.

“ХЕБЕИ ЖОНГЧЖИН” – “БЕЙЖИНГ ГОАН” 0:1

Гол: Хайфенг Динг 2 автогол