17 июл 15:23
Янгиликлар

Теннис

"Билли Жин Кинг кубоги". Сўнгги турда Малайзияга имконият бой берилди

Малайзиянинг Куала-Лумпур шаҳрида теннис бўйича аёллар терма жамоалари ўртасида "Билли Жин Кинг кубоги" анъанавий мусобақаси Осиё-Океания II гуруҳ баҳслари давом этмоқда.

Қизларимиз мусобақанинг сўнгги турида Малайзия терма жамоасига қарши баҳс олиб боришди.

Аввалига Сабрина Олимжонова Жо Лин Савга қарши баҳс олиб борди ва 6:3, 4:6, 1:6 ҳисобларида имкониятни бой берди.

Дария Шубина эса Элза Ван устидан 5:7, 7:6, 7:6 ҳисобларида ғалаба қозонди.

Жуфтлик баҳсларида эса Шаҳноза Маримова/Дария Шубина тандеми 2:6, 6:0, 9:11 ҳисобларида имкониятни бой берди.

Шу тариқа, Малайзия билан баҳсда 1:2 ҳисобида имконият бой берилди.

Вакилларимиз энди эртага 4-6-ўринлар учун ўтказиладиган учрашувларда иштирок этишади.