UFC Fight Night 284. Ўн нафар жангчи бонусга лойиқ кўрилди

Жами 24 жангчидан 10 нафари кафолатланган гонорардан ташқари мос равишда 100 000 ва 25 000 АҚШ доллари миқдоридаги бонус, яъни мукофот пулларига эга чиқишди. Оқшомнинг асосий жангида Матеуш Гамротни биринчи раунддаёқ бўғиш усули эвазига таслим этган австралиялик 26 ёшли нокаутчи Куиллан Салкиллд 100 000 долларлик бонусни қўлга киритди. 

"Оқшом чиқииши" учун иккинчи 100 000 долларлик чек америкалик ярим ўрта вазн тоифаси вакили Тай Миллерга насиб этди. У ватандоши Билли Гоффни учинчи раунднинг 15-сониясида финиш қилди. 

"Оқшомнинг энг яхши жанги" сифатида лига фахрийлари Диего Феррейра ва Билли Куарантилло ўртасидаги тўқнашув тан олинди. Турнирнинг co-main event жанги тўлиқ уч раунд давом этиб, якунда бразилиялик енгил вазн тоифаси вакили Феррейранинг очколар ҳисобидаги ғалабаси билан якунланганди. 

Шунингдек, рақибларини муддатидан аввал мағлубиятга учратган Ядиер Дель Валле, Тай Миллер, Жозе Монтанья, Майлс Жонс, Жулиана Миллер ва қозоғистонлик Дияр Нургожай 25 000 АҚШ доллари миқдоридаги бонусга эга чиқди.