27 апр 07:54
Янгиликлар

Дзюдо

Бир ҳафталик машғулотлар сарҳисоб қилинди

Шу кунларда дзюдо бўйича Ўзбекистон терма жамоаси Грузиянинг тоғли Бакуриани шаҳрида ўқув-машғулот йиғинини ўтказмоқда.

Грузин заминидаги машғулотлар бошланганига бир ҳафта бўлди ва шу муносабат билан терма жамоа бош мураббийи Илиас Илиадис дзюдочилар билан йиғилиш ўтказди. Унда дзюдочиларимизнинг бир ҳафталик циклдаги ҳаракатлари илмий асосга таянган ҳолда таҳлил қилинди.

Илиадис терма жамоанинг ҳар бир аъзоси билан алоҳида суҳбатлашди. Қай жиҳатларда озгина қўшиш керак, қай ҳолатларга яна эътибор қаратиш лозим каби масалаларда тавсияларини берди.

Маълумот учун, икки ҳафтага мўлжалланган Бакуриани йиғини 5-7 май кунлари Татаристонда ўтказиладиган KAZAN GRAND SLAM 2021 турнирига тайёргарлик вазифасини ўтаб беряпти.