Блиц йўналишининг илк куни энг яхши натижани 16 ёшли Муҳиддин кўрсатди

Дунёнинг кучли шахматчилари қаторида ўзбекистонлик 11 нафар шахматчи ҳам жаҳон чемпионлиги учун дона сурмоқда. Илк кунги баҳсларда 12 та тур ўйналди. Ўн икки имкониятдан 10 очко тўплаган АҚШ вакили Хикару Накамура якка пешқадам бўлиб турибди. Қўшимча кўрсаткичларга кўра нидерландиялик Аниш Гири иккинчи, жаҳон тождори, рапид йўналишида жаҳон чемпиони Магнус Карлсен (Норвегия) учинчи ўринни банд этган. 

Ҳамюртларимиз орасида энг яхши натижани бироз кутилмаганда 16 ёшли Муҳиддин Мадаминов (2333) қайд этди. У 12 имкониятдан 8 очко жамғариб, қўшимча кўрсаткичларга кўра 18-поғонадан жой олган. 14-ўриндаги Денис Лазавикда ҳам 8 очко бор. Мадаминов ўзидан рейтинги анча юқори бўлган гроссмейстерларнинг 7 нафарини мағлуб этишни уддалади ва яна иккиси билан дуранг ўйнади. 

Блиц. 12-тур натижалари (Эркаклар):

Муҳиддин Мадаминов (2333) - Маттиас Блубаум (Германия, 2634) 1-0

Александр Рязанцев (FIDE, 2595) - Жаҳонгир Воҳидов (2507) 0,5:0,5 

Нодирбек Абдусатторов (2666) - Давид Паравян (FIDE, 2551) 0,5:0,5

Жавоҳир Синдаров (2639) - Нодирбек Якуббоев (2560) 0,5:0,5

Сумия Билгуун (Мўғулистон, 2365) - Шамсиддин Воҳидов (2597) 1-0

Муҳаммадзоҳид Суяров (2217) - Вук Дамьянович (Сербия, 2439) 1-0 

Ҳумоюн Бегмуратов (2267) - Имангали Аҳилбай (Қозоғистон) 1-0

Блиц. 9-тур натижалари (Аёллар):

Жанелл Фрайна (Филиппин, 2306) - Умида Омонова (1978) 0,5-0,5 

Афруза Ҳамдамова (2018) - Дарья Чарочкина (FIDE, 2284) 0,5-0,5 

Ольга Дружинина (FIDE, 2014) - Нафиса Мўминова (2258) 1-0