22 май 12:16
Янгиликлар

Бокс/ММА

BOOM. Жулианна Пенья - Аманда Нуньес реванш жанги тасдиқланди

Ушбу супер тўқнашув UFC 277 турнирининг марказий жанги бўлади.

UFC промоушени раҳбарияти аёллар лигаси енгил вазн тоифасида амалдаги чемпион Жулианна Пенья ҳамда ушбу камарнинг собиқ соҳиби Аманда Нуньес реванш жангини расман эълон қилди.

UFC 277 турнири 30 июль куни АҚШнинг Техас штати Даллас шаҳрида бўлиб ўтади. Бу ҳақида бугун Лас-Вегас шаҳрида ўтган UFC Fight Night 206 турнирида маълумот берилди.

Эслатиб ўтамиз, ўтган йилнинг декабрь ойида Жулианна Пенья шов-шувли тарзда Аманда Нуньесни иккинчи раундда бўғиш усули эвазига мағлубиятга учратган эди.

UFC 277 турнирининг Co-main event жанги ҳам расман тасдиқланди. Унда энг енгил вазн тоифасида Брэндон Морено ва Кай Кара-Франс ўзаро вақтинчалик UFC камари учун октагонга кўтарилишади.

Оқшомнинг асосий кардида россиялик оғир вазн тоифаси вакили Сергей Павлович Деррик Льюисга, Магомед Анкалаев эса ярим оғир вазнда Энтони Смитга қарши жанг ўтказади.