Бугун чемпионлик партиялари ўйналади. Шахматчиларимизнинг бугунги илк рақиблари

Бугун рапид йўналишида 4 та тур ўтказилади. Ўзбекистонлик шахматчилар орасида энг яхши натижага эришиб турган рапид бўйича амалдаги жаҳон чемпиони Нодирбек Абдусатторов бизнинг вақт билан соат 14:00да бошланадиган 10-турда хитойлик Янг Йи Юга қарши оқ доналарда ўйнайди. 

Нодирбек 9 партиянинг 6 тасида ғалаба қозониб, 7 очко билан қўшимча кўрсаткичларга кўра 178 шахматчи орасида 3-ўринни эгаллаб турибди. Унинг бугунги илк рақиби эса 6,5 очко билан 9-поғонада бормоқда. 

Шахматчиларимизнинг 10-турдаги рақиблари (эркаклар): 

Нодирбек Абдусатторов (2676) - Янг Йи Ю (Хитой, 2743) 

Нодирбек Якуббоев (2573) - Расмус Свен (Германия, 2641)  

Тин Жингяо (Сингапур, 2462) - Жавоҳир Синдаров (2596)

Санал Ваҳап (Туркия, 2547) - Шамсиддин Воҳидов (2481) 

Санкалп Гупта (Ҳиндистон, 2725) - Жаҳонгир Воҳидов (2529)

Муҳиддин Мадаминов (2337) - Никита Петров (FIDE, 2519)

Амит Ғаси (Англия, 2536) - Муҳаммадзоҳид Суяров (2089) 

Ҳумоюн Бегмуратов (2292) - Жандос Агманов (Қозоғистон, 2403)

Шубҳасиз, аёллар ўртасидаги 9-турнинг биз учун аҳамиятли учрашуви опа-сингил Нафиса Мўминова ва Гулруҳбегим Тоҳиржонова ўртасидаги партия бўлади. Гулруҳбегим АҚШ шарафини ҳимоя қиляпти. Бугунги учрашув олдидан опа-сингиллар ҳисобида 4 тадан очко бор. 

Қизларимизнинг 9-турдаги рақибалари:

Умида Омонова (2059) - Лела Жавахашвили (Грузия, 2364)

Гулруҳбегим Тоҳиржонова (АҚШ, 2326) - Нафиса Мўминова (2242) 

Афруза Ҳамдамова (2052) - Ольга Баделка (FIDE, 2238)