27 июн 07:10
Янгиликлар
Футбол
Бугун Дани Алвес “Ювентус”да тиббий кўрикдан ўтади
Бугун “Барселона” клуби ҳимоячиси Дани Алвес “Ювентус” жамоасида тиббий кўрикдан ўтади.
Бразилиялик футболчи Туринга етиб келган. Sky Sport Italia нашрининг хабар беришича, Алвес бугуннинг ўзида тиббий кўрикдан ўтади ва шартномага имзо чекади.
Эслатиб ўтамиз, Данни эркин агент мақомида “Ювентус” таркибига қўшилади. Аввалроқ, “Кекса синьоралар” “Рома” клуби етакчиси Миралем Пьянич билан ҳам шартнома имзолаганди.
Маълумот учун, Дани Алвес “Барселона” шарафини 2008 йилдан бери ҳимоя қилиб келаётганди. Ўтган давр мобайнида бразилиялик футболчи каталонияликлар либосида 247та учрашув ўтказиб, 14та гол киритган. Олти марта Испания чемпиони, 3 маротабадан Чемпионлар лигаси, УЕФА Суперкубоги ҳамда клублар ўртасида жаҳон чемпиони бўлган.
Ҳавола :
Фикрлар