Бугун Фазлиддин жаҳон чемпионлиги, қолган 5 боксчимиз финал чиптаси учун рингга чиқади

Бугун жаҳон чемпионати доирасида 6 нафар чарм қўлқоп устамизга мухлислик қиламиз. Фазлиддин Эркинбоев жаҳон чемпионлиги учун болгариялик Рами Киванга қарши рингга кўтарилади. Қолган боксчиларимиз эса 1/2 финал жангларини ўтказишади.    

Эслатиб ўтамиз, -75 кг вазн тоифасида юртимиз шарафини ҳимоя қилаётган Эркинбоев кеча собиқ боксчимиз, ҳозирда Озарбайжон терма жамоаси номидан мусобақаларда қатнашаётган Саиджамшид Жафаровгни очколар ҳисобига кўра 4:1 ҳисобида мағлуб этганди. 

Жаҳон чемпионатининг бугунги кундузги дастур жанглари бизнинг вақт билан соат 16:00, кечки дастур эса соат 22:00да бошланади.

Боксчиларимиз иштирокидаги жанглар:

1/2 финал жанглари:

-48 кг: Сабина Бобоқулова - Назим Кизайбай (Қозоғистон) 16:00

-65 кг: Асадхўжа Мўйдинхўжаев - Лаша Гурули (Грузия) 18:45

-80 кг: Жавоҳир Умматалиев - Габриэль Веочич (Хорватия) 19:00

-51 кг: Феруза Казакова - Бусе Наз Чакироглу (Туркия) 22:00

-70 кг: Азиза Зокирова - Лекеиша Перголити (Австралия) 23:00

-85 кг: Акмалжон Исроилов - Мичаел Фарес Дероуиче (Австрия) 23:45

Финал:

-75 кг: Фазлиддин Эркинбоев - Рами Киван (Болгария) 00:45