Бугун Нодирбек Абдусатторов - Магнус Карлсен партияси бўлиб ўтади

Мукофот жамғармаси 400 000 АҚШ долларини ташкил этувчи ушбу турнирда ёш гроссмейстеримиз Нодирбек Абдусатторов юртимиз шарафини ҳимоя қилмоқда. Гуруҳда энг кўп очко билан 1/2 финалга йўл олган Нодирбек В квартетида иккинчи ўринни эгаллаган америкалик Хикару Накамурага ютқазиб қўйганди. 

Иккинчи ярим финал жуфтлигида эса амалдаги жаҳон тожи соҳиби, норвегиялик Магнус Карлсен кутилмаганда турнирда ФИДЕ байроғи остида ўйнаётган россиялик Ян Непомняшийга 1:3 ҳисобида имкониятни бой бериб қўйди. 

Бугун Накамура ва Непомняший Fischer Random йўналиши бўйича жаҳон чемпионлиги учун дона суради. Абдусатторов ва Карлсен эса ўзаро учрашувда 3-ўрин соҳибини аниқлаб беришади. Турнир ғолиби 150 000, 2-ўрин эгаси 85 000, 3-ўрин соҳиби 55 000, 4-ўрин билан кифояланган шахматчи 40 000 АҚШ доллари билан тақдирланади.