Бугун Нодирбек Абдусатторов Рейкьявикда финал учун ўйнайди

Мукофот жамғармаси 400 000 АҚШ долларини ташкил этувчи ушбу турнирда ёш гроссмейстеримиз Нодирбек Абдусатторов ҳам муваффақиятли дона суряпти. Ҳамбртимиз гуруҳ босқичини энг кўп очко билан якунлаб, ўз гуруҳи ғолиби сифатида ярим финалга йўл олганди. 

Бугун бир кунлик танаффусдан сўнг 1/2 финал учрашувлари ўтказилади. Абдусатторов А гуруҳи ғолиби сифатида Б квартетида иккинчи ўринни эгаллаган америкалик Хикару Накамурага қарши баҳс олиб боради. Ярим финал 4 партиядан иборат бўлиб, очколар тенг келиб қолган ҳолатда ҳал қилувчи армагеддон-партияга мурожаат қилинади. 

Иккинчи ярим финал жуфтлигида амалдаги жаҳон тожи соҳиби, норвегиялик Магнус Карлсен турнирда ФИДЕ байроғи остида ўйнаётган россиялик Ян Непомняшийга қарши дона суради. Иккала 1/2 финал учрашуви ҳам бизнинг вақт билан соат 20:00да бошланади. 

Маълумот учун, турнир ғолиби 150 минг АҚШ долларини қўлга киритади. Иккинчи ўрин эгаси 85 минг, 3-ўрин соҳиби 55 минг, 4-ўрин билан кифояланган шахматчи 40 минг АҚШ доллари билан тақдирланади.