Бугун Тел-Авив "Катта Дубулға" турнирида уч дзюдочимиз татамига чиқади

Бугун ўрта вазн тоифасидаги дзюдочилар ўз маҳоратларини намойиш этадилар. Бугунги беллашувларда терма жамоамиз аъзоларидан уч нафари мусобақа медаллари ҳамда Токио Олимпиадаси йўлидаги муҳим рейтинг очколари учун баҳсларга киришади. Улар орасида ўтган йили ҳам ёшлар, ҳам катталар ўртасидаги Ўзбекистон чемпионатида ғолиблик шохсупасига кўтарилган Жалолиддин Бойназаров учун ҳақиқий имтихон. У фаолиятида илк бор бундай нуфуздаги турнирда иштирок этади. Шунингдек, бугун Шарофиддин Болтабоев ва Гулноза Матниязовага ҳам мухлислик қиламиз.    

Ҳамюртларимизнинг илк рақиблари:

-73 кг: Жалолиддин Бойназаров — Бехрузи Хожазода (Тожикистон)

-81 кг: Шарофиддин Болтабоев — Дорин Готоноага (Молдова)

Қизлар

-70 кг: Гулноза Матниязова — Живонна Скоккимарро (Германия)

Эслатиб ўтамиз, кеча ўтказилган баҳсларда Сардор Нуриллаев ва Муҳриддин Тиловов бронза медалини қўлга киритганди.