19 июн 13:11
Янгиликлар

Теннис

Бултер фаолиятидаги илк WTA совринига ўз ватанида эга чиқди

Буюк Британиянинг Ноттингем шаҳрида ўтказилган майса қопламали WTA турнири якунига етди.

Финал учрашувида дунёнинг 126-ракеткаси бўлиб турган мезбонлар вакиласи Кэти Бултер рейтингда ўзида 5 поғона қуйида бораётган ватандоши Жоди Анна Бёррэжни 6/3, 6/3 ҳисобларида мағлубиятга учратди. Теннисчиларнинг ўзаро учрашувларидаги ҳисоб йириклашди - 3:0.

Етмиш беш дақиқа давом этган финал баҳсида Бултер 1, Бёррэж 2 та эйс зарбани амалга оширган. Бултер фаолиятидаги илк WTA совринини айнан ўз ватанида ўтган турнирда қўлга киритди. У янгиланган рейтингда Топ-80`да(76-ўрин) дебют қилди. Кэти 280 рейтинг очкоси ва 34,228 доллар мукофот пулига ҳам эга бўлди.