23 июл 07:25
Янгиликлар
Теннис
Cабина Сакраментодаги турнирда ярим финалга чиқди
Истеъдодли теннисчимиз Сабина Шарипова АҚШнинг Сакраменто шаҳрида ўтказилаётган турнирдаги иштирокини муваффақиятли давом эттирмоқда.
Мусобақанинг соврин жамғармаси 50 минг доллардан иборат бўлиб, ҳамюртимиз яккалик баҳсларида саккизинчи рақам остида ҳаракат қиляпти. Қувонарлиси, Шарипова ярим финалга йўлланма олди. У чорак финал учрашувида украиналик рақибаси Елизавета Янчукни икки сетда ҳам бир хил 6:4 ҳисобида мағлуб этди.
Сабинанинг ярим финалдаги рақибаси америкалик Грейс Мин бўлади. Турнирнинг иккинчи ракеткаси бўлган Мин чорак финалда ҳамюрти Крити Анни 6:1, 6:2 ҳисобида енгди.
Эслатиб ўтамиз, Сабина Шарипова Сакраменто турнирининг ярим финалига қадар австралиялик теннисчилар Сторм Сандерсни 3:6, 6:1, 6:2, Прискилла Хонни 6:3, 6:3, украиналик Елизавета Янчукни 6:4, 6:4 ҳисобида таслим этди.
Ҳавола :
Манба : olamsport.com
Фикрлар