13 фев 11:12
Янгиликлар
Қишки спорт турлари
CAS бугун Камила Валиева ишини кўриб чиқади
Спорт арбитраж суди (CAS) бугун россиялик фигурали учувчи Камила Валиеванинг ишини кўриб чиқишни бошлайди, деб хабар бермоқда CAS расмий сайти.
Валиеванинг иши видеоконференция форматида ўтказилади.
12 февраль куни CAS Халқаро фигурали учиш иттифоқи (ISU) мурожаатини рўйхатга олди. Суд ХОҚ ва WADA'нинг допинг-тести ижобий натижа берган 15 ёшли фигурали учувчининг дисквалификациясини тўхтатиб туриш ҳақидаги апелляциясини қабул қилди.
Валиеванинг яккалик баҳсларида иштирок этиши билан боғлиқ вазият бўйича қарор 14 февраль куни тушдан кейин эълон қилиниши маълум қилинди.
Эслатиб ўтамиз, Валиева Россия терма жамоаси таркибида Пекин Олимпиадасининг жамоавий баҳсларида ғолиб чиққанди. Аммо унда допинг аниқлангани сабабли тақдирлаш маросими ҳали ўтказилмади.
Ҳавола :
Манба : CAS
Фикрлар