17 янв 13:21
Янгиликлар

Теннис

Чехиялик теннисчи 18 та эйс эвазига Оклендда чемпион бўлди

Бугун Янги Зеландиянинг Окленд шаҳрида теннис бўйича ATP 250 тоифасига кирувчи турнир якунига етди.

Мусобақа бош соврини Якуб Меньшикка насиб этди. Чехиялик теннисчи фаолиятидаги иккинчи ATP совринига эга чиқди. Дунёнинг 18-ракеткаси ҳал қилувчи финал учрашувида ATP рейтингида 39-поғонадан жой олган аргентиналик Себастьян Баесни 6/3, 7/6(7) ҳисобида мағлубиятга учратди.

Бу теннисчиларнинг ўзаро ўтказган илк учрашуви бўлди. Саксон тўрт дақиқа давом этган баҳсда Меньшик 18, Баес 2 та эйс зарбасини амалга оширган. Иккала теннисчи ҳам 3 тадан қўшхатога йўл қўйди. Брейклар бўйича чемпионлик устунлик қилди - 2 га 1.

Меньшик тай-брейкда учталик сетболни бартараф этишга муваффақ бўлди. У 250 рейтинг очкоси ва 106 460 доллар мукофот пулига эга чиқди. Баес эса бир ҳафталик меҳнатидан 165 очко ҳамда 62 115 $ ишлаб олди.