17 янв 11:57
Янгиликлар

Бокс/ММА

Чимаевнинг менежери унинг ўлими ҳақидаги хабарларга муносабат билдирди

Ўрта вазн тоифасида амалдаги UFC чемпиони Хамзат Чимаев кеча тунда Рамзан Кадировнинг ўғли билан бирга “Буггати”да автофалокатга учрагани ҳақида хабар берилганди.

Чимаевнинг менежери Маҳди Шаммас бу хабарларни рад этди.

Шаммаснинг Red Corner MMA нашрига берган интервьюсида маълум қилишича, Чимаев Чеченистонда эмас, балки Абу-Даби (БАА) шаҳрида ва у билан ҳаммаси жойида.

Чеченистон пойтахтида бир нечта ҳукумат кортежи автомобиллари иштирокида йирик йўл-транспорт ҳодисаси содир бўлгани ҳақидаги маълумотлар бир қатор Телеграм-каналларда пайдо бўлди. Кейинчалик Россия ва хорижий оммавий ахборот воситалари томонидан тарқатилди. Улардан баъзилари Чимаев ушбу автофалокатда ҳалок бўлгани, бошқалари эса оғир жароҳат олгани ва шифохонага етказилганини ёзди.