Чироқчида спорт беллашувлари ўтказилмоқда

Мазкур мусобақада ўнта жамоадан иборат бўлган 80 нафар қизлар иштирок этди. Муросасиз баҳсларга бой бўлган беллашувларнинг якунида кучли учликдан жой олган жамоалар туман жисмоний тарбия ва спорт бўлими ҳамда 1-болалар-ўсмирлар спорт мактаби томонидан эсдалик совғалари билан мукофотланишди.  

Шу куни ҳамкорлик доирасида ушбу спорт мактабида нафис спорт тури саналган бадиий гимнастика бўйича ҳам беллашувлар бўлиб ўтди. Мусобақада 75 нафар қизлар иштирок этиб, бор маҳоратларини ишга солишди. Ғолиб спортчи-қизларга беллашувлар ташкилотчилари томонидан диплом ва эсдалик совғалари тақдим этилди.

Шунингдек, “26 июнь - Халқаро гиёҳвандликка қарши курашиш куни” муносабати билан 20 июнь куни мазкур спорт мактабида дзюдо бўйича 2005-2010 йилларда туғилган ўғил болалар ўртасида “Биз гиёҳвандликка қаршимиз” шиори остида БЎСМ биринчилиги бўлиб ўтди. 90 нафар ёш дзюдочилар иштирок этган биринчиликнинг якунида ғолиб ва совриндорлар 1-БЎСМ ҳамда туман жисмоний тарбия ва спорт бўлими томонидан муносиб тақдирланди.

- Ёзги таътил мавсуми бўлишига қарамай, ўғил-қизларимизнинг беллашувларда иштирок этиш иштиёқи юқори эканлиги қувонарли ҳол, - деди 1-БЎСМ директори Фарҳод Жуманов. - Давлатимиз раҳбари томонидан илгари сурилган бешта муҳим ташаббуснинг ижросини таъминлаш мақсадида ўтказилган ушбу мусобақалар ҳам хотин-қизлар ўртасида жисмоний тарбия ва спортни оммалашишига хизмат қилиши ва бўш вақтларини мазмунли ўтишида хизмат қилиши бор гап. Қолаверса, волейбол, дзюдо ва бадиий гимнастика бўйича туман терма жамоаларига муносиб бўлган ёшларни саралашда яна бир имкон бўлди. Спорт турлари бўйича беллашувлар давом этади. 

Жаҳон Эргашев, Қашқадарё вилояти Жисмоний тарбия ва спорт бошқармаси бошлиғи ўринбосари 

Илҳом РАҲМОНОВ, ўз мухбиримиз