Циципасни мағлуб этган Алькараз Топ-10'да дебют қилади

Барселонадаги турнирнинг чорак финалида жаҳоннинг бешинчи ракеткаси Стефанос Циципасни мағлуб этган Карлос Алькараз душанба куни янгиланадиган АТР рейтинги Топ-10 лигида дебют қилади. Ҳозирда 11-ўринда бораётган испаниялик теннисчи камида 10-ўринга кўтарилади. Шу тариқа, у Кэмерон Норрини ортда қолдиради ва кучли ўнликка кирган энг ёш теннисчига айланади. 

Барселонадаги турнирнинг финали ёки чемпионлик Карлосга жаҳон таснифидаги 9-ўринни кафолатлайди.

Маьлумот учун, Алькараз охирги етти учрашувининг бештасини Топ-5 теннисчиларига қарши ўтказиб, шуларнинг учтасида ғалаба қозонди. У Циципасга қарши учинчи бор кортга чиқиб, ушбу баҳсда ҳам зафар қучди. Жорий мавсумда 24 та учрашув ўтказган Алькараз 21-ғалабасини тантана қилмоқда. Теннисчи мавсум бошидан буён иккита турнирда чемпионликни қўлга киритди.