"Дана нега мен ҳақимда ёмон гапираётганини билмайман, у билан муаммом йўқ" - Царукян

"Дана нега мен ҳақимда ёмон гапираётганини билмайман, аммо у билан ҳеч қандай муаммом йўқ, ҳатто қандайдир ёпиқ масалалар бўйича ҳам. Унга жавоб беришнинг маъноси йўқ, чунки мен Дананинг ўзи билан музокара қилмайман. Мен Хантер билан гаплашаман, чунки у матчмейкинг учун жавоб беради. Дана эса эҳтимол жанглар билан боғлиқ қарорларни фақат тасдиқлайди. Аслида матчмейкерлар — Шон Шелби ва Хантер Кэмпбелл. Шунинг учун менинг Данага айтадиган гапим йўқ. Жанглар бўйича келишишим керак бўлган одам — Хантер. Бугун эрталаб у билан гаплашдик ва у менга UFC’даги навбатдаги жанг санасини айтди", — деди Царукян.