Дана Уайт Жонс ва Перейра ўртасидаги жангни ташкил этиш шартини айтди

Аммо бу қарама-қаршилик яримоғир вазн тоифасида бўлиб ўтиши ва бразилиялик чемпионлик камарини ўзида сақлаб қолиши шарти билангина амалга ошади.

"Бу жангни яримоғир вазнда ўтказишдан маъно бор, лекин мен Жон Жонсга ишонишим мумкинми? Мен Жонснинг бирор аҳмоқлик қилиб, Оқ уйдаги жангни тарк этишига йўл қўя олмайман", - деди Лига раҳбари Complex’га берган интервьюсида.

Ўтган йилнинг ёзида оғир вазн тоифасида UFC чемпионлик камарини бўшатган Жон Жонснинг яримоғир вазнга қайтиши даргумон ва ҳозирча барча сигналлар Алекс Перейра ўзининг навбатдаги жангини оғир вазнда ўтказиши ва катта эҳтимол билан вақтинчалик чемпионлик камарига даъвогарлик қилишини кўрсатмоқда. Бу ҳақда ташкилотга яқин манбалар хабар бермоқда. Воқеалар ривожининг бундай вариантида бразилияликнинг навбатдаги рақиби рейтингда биринчи ўринни эгаллаб турган франциялик Сирил Ган бўлади.