Дана Уайт Мераб Двалишвилига муносабатини ўзгартирди

Дана Уайт декабрь ойида Петр Янга қарши ўта енгил вазн тоифасида UFC чемпионлик камарини ҳимоя қилса, ташкилот тарихига кириши мумкин бўлган грузиялик жангчи ҳақидаги фикрини ўзгартирди.

"Менга қаранг, Мерабнинг ичига кириб олишим учун анча вақт керак бўлди, лекин энди мен унга жуда илиқ муносабатда бўламан. Унинг кайфияти менга ёқади. У бир йилда тўрт марта чемпионликни ҳимоя қила оладиган биринчи спортчи бўлишни истайди. Мераб нима қилгани, ўзини жангчи ва жаҳон чемпиони сифатида қандай кўрсатганига қарасангиз - бу ҳақиқатан ҳам ҳайратланарли", - деди ташкилот раҳбари Лас-Вегасда бўлиб ўтган матбуот анжуманида.

Ўтган йилнинг август ойида Двалившли Шон О`Мэлли билан чемпионлик жангидан тўрт ҳафта олдин жароҳатли юзини кўрсатиб, видео эълон қилганида, Уайт унинг хатти-ҳаракатига қуйидагича муносабат билдирганди:

"Бу шунчаки аҳмоқликнинг янги даражаси - баъзи йигитлар шу қадар аҳмоқки, бу ақлни шошириб қўяди", - деганди UFC президенти.

Маълумот учун, Мераб Двалишвили ва Петр Ян ўртасидаги чемпионлик жанги 6 декабрь куни Лас-Вегас шаҳрида ўтказиладиган UFC 323 турнирининг асосий тўқнашуви бўлади.