Дана Уайт Перейранинг UFC шарҳловчиларига таъсир ўтказиши ҳақидаги гапларини рад этди

Аввалроқ Перейра Даниэль Кормьенинг Жош Хокит ва Сирил Ган ўртасидаги чемпионлик жанги эълон қилинишидан олдинги фикрларига UFC таъсир қилган бўлиши мумкинлигини тахмин қилганди.

"Албатта, бу нотўғри. Мен ҳеч қачон Даниэлдан бирор нарса қилишини сўрамаганман. Биз бундай ишламаймиз", дейди Уайт Dana White’s Contender Series турниридан кейинги матбуот анжуманида.

Унинг таъкидлашича, UFC Жо Роган, Даниэль Кормье ёки бошқа шарҳловчиларга жангчилар ҳақида нима дейиш кераклигини кўрсатмайди.

"Мен жангчиларга нима дейишни буюрмайман, шарҳловчиларга ҳам нима гапириш кераклигини айтмайман. Ҳаммаси табиий равишда содир бўлади, шарҳловчилар трансляцияни ўзлари керак деб билганидек олиб боради", деб айтиб ўтди UFC президенти.

Уайт UFC жангчиларнинг жанглардан кейинги баёнотларини ҳам назорат қилмаслигини қайд этди ва бунга Шон Стриклендни мисол қилиб келтирди.