Дана Уайт Стрикленднинг UFC’даги гонорар бўйича эътирозига жавоб берди

Уайтнинг айтишича, Стрикленд 2026 йил май ойида UFC билан янги шартнома имзолаган. Шу сабабли унинг ҳозирги эътирозлари UFC раҳбарида саволлар уйғотган.

"Мен у билан шахсан гаплашмадим. Бу ҳақда ижтимоий тармоқлардан эшитдим. Лекин Шон Стрикленд қачон нимадандир норози бўлмаган ёки айтадиган гапи бўлмаган?" дейди Уайт DWCS 96 турниридан кейинги матбуот анжуманида.

UFC президенти Стрикленд тилга олган гонорар миқдори ҳақиқатга тўғри келмаслигини ҳам таъкидлади.

"У май ойида янги шартнома имзолаган. Бу атиги тўрт-беш ой олдин бўлган. Мен билишимча, у айтган сумма тўғри эмас", дея вазиятга муносабат билдирди Уайт.

Унинг фикрича, агар Стрикленд бир ёки икки йил давомида эски шартнома асосида жанг қилганида, шартларни қайта кўриб чиқиш масаласини муҳокама қилиш мумкин бўлар эди. Бироқ у яқинда янги келишув имзолаган.