Дана Уайт Ульбергнинг жароҳатидан сўнг ярим оғир вазн камари тақдири нима бўлишини айтди

Янги зеландиялик 35 ёшли амалдаги чемпион Карлос Ульберг тиззасидаги хочсимон боғлам узилиши сабаб операция ўтказган эди.

"Яхши янгиликлардан бири — у аллақачон Power Slap’га келди ва мен у билан гаплашдим, у Вегасда қолмоқда. Унга операция қилишди, энди у [UFC] Performance Institute’да иш бошлайди. У Австралияда яшайдиган жой анча чекка ҳудуд, шунинг учун у ерда имкониятлар камроқ.

Илгари, Performance Institute қурилмасидан олдин, биз жангчиларни яхши шифокорларга операцияга юборардик, кейин улар уйига қайтиб, ҳеч нима қилмасди — на физиотерапия, на тикланиш. Ҳозир эса PI жуда кўп жангларни сақлаб қолди ва кўплаб спортчиларнинг фаолиятини узайтирди. Биз уни ўша ерга олиб борамиз ва қанчалик тез тикланишини кўрамиз.

Ярим оғир вазнда вақтинчалик камар жорий қилинадими? Йўқ. Карлос ҳали чемпион сифатида йўлининг бошида. Аммо бу вариантни кўриб чиқамиз", — деди Уайт MMAJunkie’га.